هرات کې د نشهیي توکو دوه قاچاقبران له ۳۰ کیلوګرامه نشهیي توکو سره ونیول شول
د هرات ولایت د امنیه قومندانۍ منسوبینو له سرحدي پولیسو سره یوځای د نشهیي توکو ضد یو لړ عملیات ترسره کړي، چې په ترڅ کې یې د نشهیي توکو دوه قاچاقبران نیولي دي.
یادو کسانو ۳۰ کیلوګرامه "کرېستال" په یو عراده "ټېلر" ډوله باروړونکي موټر کې په ځیرک ډول ځای پر ځای کړي وو او غوښتل یې له هېواده بهر یې قاچاق کړي، چې د اسلامقلعې بندر په اړوند برخو کې تر پېژندنې وروسته نیول شوي دي.
نیول شوي کسان د لویو قاچاقبرانو له ډلې دي او له مودې راهیسې د پولیسو تر څار لاندې وو.