اطلاعیه ریاست عمومی پاسپورت

د هېواد والو د پام وړ
په دې وروستیو کې یو شمېر ټولنیزې او بې باوره پاڼې د پاسپورټ اړوند د فساد او خپلوۍ  دروغجن خبرونه او موضوعات خپروي ترڅو د خلکو ذهنونه په ناوړه خبرونو او منفي تبلیغاتو مغشوش کړي.
 دا چې د پاسپورټ عمومي ریاست د فساد سره مبارزه په خپلو لومړیتوبونو کې قرار لري نو پدې برخه کې یې تل هڅې کړي تر څو خپلو هېوادوالو ته د قانوني لارو چارو په برابرولو سره پاسپورټونه ویشي او د فساد کوونکو او جعلکارانو کلکه مخه ونیسي.
په ټولنیزو پاڼو کې د پاسپورټ اړوند د فساد او خپلوۍ خبرونه ناسم او بې باوره دي چې پدې سره دوی  تل هڅه کوي په خپلو ناسمو او منفي خبرونو سره د خلکو او حکومت ترمنځ فاصلې منځ ته راوړي، عامه زهنیت خراب او له دې لارې خپلې پاڼې مشهورې کړي.
د پاسپورت ریاست له خپلو مراجعینو غوښتي چې د دا ډول بې باوره، دروغجنو او فرصت طلبه کسانو په خبرونو هیڅ کله هم باور ونه کړي او د پاسپورت ریاست ته د ټاکلو اصولو سره سم تشریف راوړي.