در ۹ ولایت؛ ۲۱۸۳ جریب کشت زارهای کوکنار تخریب گردید
در ادامه روند کمپاین تخریب مزارع کوکنار این بار پولیس مبارزه با مواد مخدر در ۹ ولایت ۲۱۸۳ جریب مزارع کوکنار تخریب گردید.
از این میان،۷۷۷ جریب زمین در ولسوالی های پشتونکوت،بلچراغ، المار،کوهستان و خیبر ولایت فاریاب،۵۲۰ جریب زمین در ولایت بدخشان،۴۰۰ جریب زمین در ولایت پکتیکا،۲۹۲ جریب زمین در ولایت ننگرهار،۱۲۷ جریب در ولایت تخار،۳۸ جریب زمین در ولایت کنر،۱۳ جریب زمین در ولایت بغلان،۱۱ جریب زمین در ولایت بلخ و ۵ جریب زمین در ولسوالی پسابند ولایت غور از کشت کوکنار پاکسازی گردید.