د لاسرسي او اطفايې لوی ریاست خبرتیا
ګرانو هېوادوالو د ځان او مال ساتنې لپاره لاندې سپارښتنې په پام کې ونیسئ:
۱- د ټولو مارکیټونو له خاوندانو هیله کیږي چې اور لګېدنې د مخنیوي لپاره، هغه وسایل او د تېلو ټانکۍ چې د مارکيټونو د بامونو په سرونو اېښې وي او د اور لګېدو سبب کرځي زر تر زره راټول او لاندې ولګوئ.
۲- په لارو او برنډو کې د مالونو داسې ګودامول، چې د تلو راتلو مخه نیسي، ډډه وکړئ.
۳- د بخاریو په سر د جامو وچولو څخه ډډه وکړئ.
۴- په صندلۍ کې د سکرو د اېښودلو وړاندې سکاره لومړی په ازاده هوا کې تازه کړئ،ترڅو ابي وړانګې یې په سپینو بدلي شي.
۵- اورلګیت او نور اورلګونکي څېزونه د ماشومانو له لاسرسي څخه لرې کېږدئ.
۶- د اور او بخاریو په سر د ګازډبو د تودولو څخه ډډه وکړئ.
۷- د کوچنیانو په لاس د ګازډبو دکارولو څخه ډډه وکړئ.
۸- د ګازي وسایلو د وال له کارولو وړاندې یې، لومړی وګورئ او وروسته یې په لايټر او یا اورلګیت روښانه کړئ.
۹- د ګازډبو د ډکولو په وخت له ټولې اندازې شل سلنه حجم تش پرېږدئ.
۱۰- د ګازډبو د ډکولو په مهال د ګازډبو واشلونه سم یا بدل کړئ.۱۱- د ګازډبو بې درېغه غورځول او ناپامي د ګازډبو د لیکۍ او اورلګېدو لامل ګرځي.
د۱۲- د دکانونو، ګودامونو او تلخونو ترڅنګ د اور اخیستونکو څېزونو له ساتلو ډډه وکړئ.
۱۳ـ د ګاز په پلورنځاینو کې د سګرټ څکولو او لګولو څخه ډډه وکړئ.
۱۴- د شارټۍ د مخنیوي لپاره ټول زاړه لینونه او فیوزونه نوي او یا جوړ کړئ.
۱۵- د بې کېفیته او ناسټنډرډ برښنایي وسایلو له کارولو ډډه وکړئ.
۱۶- له یوې ساکټې د څو وسایلو له کارولو ډډه وکړئ.
۱۷- په خپل سر زاړه برښنایي وسایل مه جوړوئ.
۱۸- په د کانونو او ګودامونو کې له حده ډېر مال، مه ځای په ځای کوئ.
۱۹- په خونو او فترونو کې د پټرولو او ګازو د بوی په مهال سمدلاسه کړکۍ او ورونه پرانېزئ او د برښنا سویچ،اور لګیټ او سګرټ مه روښانوئ.
۲۰- ټول دولتي او شخصي بنسټونه اړ دي چې پېښو ته د لاسرسي او اطفایې ریاست د لارښونو سره سم خپل تاسیسات په لومړنيو او اوروژونکو وسیلو سمبال کړي.د نه پاملرنې په وخت به ورسره قانوني چلند کیږي.
۲۱- محترم موټروانان د اطفایو او امبولانس د غږیو د اورېدو په وخت اړتیا ده لارخوشې او هغوی ته د لومړیتوب حق ورکړي.
۲۲- د اورلګېدو په وخت زر تر زره لاندې شمېرو(۰۲۰۲۱۰۱۱۳۳۳)(۰۲۰۲۳۰۰۳۰۴)(۰۲۰۲۳۰۴۳۶۵) او یاد د اطفایې پولیسو له (۱۰۱) شمېرې سره اړېکه ونیسئ.
