۹ ولایتونو کې؛ پولیسو ۳۸ تنه د جنایي جرمونو په تړاو نیولي
امنیتي ځواکونو د هیواد په ۹ ولایتونو کې د غلا، وژنې، قمار، ناقانونه وسلو لرلو او نورو جنایي جرمونو په تړاو ۳۸ تنه نیولي دي.
له منځه یې، نیمروز کې شپږ تنه د غلا او یو تن د قمار په تړاو، شپږ غله په خوست، درې وسله وال او مسلکي غله په هرات، یو تن د وژنې او یو نامسؤله وسله وال په لغمان او درې وسله وال غله په فاریاب کې نیول شوي دي.
ورته مهال، پولیسو ۱۳ تنه د اخلاقي فساد، ځورونو او غلا په تړاو په سرپل، دوه غله په سمنګان او دوه تنه د غلا په تړاو په ارزګان او غزني کې نیول دي.