کابل او سرپل کې له څلورو ماین چاودنو مخنیوی شوی
د پولیسو منسوبینو د کابل ښار او سرپل ولایت په اړوند سیمو کې د څو جلا کشفي عملیاتو په ترڅ کې د څلور کړیو ځای پر ځای شویو ماینونو له چاودنې مخنیوی کړی دی.
یاد ماینونه د کابل ښار د دویمې امنیتي حوزې په "جوی شیر" سیمه او د سرپل ولایت د سانچارک ولسوالۍ پر لاره د ترورېستي پېښو په موخه ځای پر ځای شوي وو.
ترهګرو غوښتل له یادو ماینونو څخه په ګټې اخیستنې سره ملکي مرګ ژوبله رامنځته کړي، چې تر چاودنې مخکې کشف او شنډ شوي دي.