کابل، فاریاب، پروان او نیمروز کې پنځه تنه د نشه يي توکو د پلور او قاچاق په تړاو ونیول شول
د نشه يي توکو پر وړاندې د مبارزې منسوبینو د کابل، فاریاب، پروان او نیمروز ولایتونو په اړوند سیمو کې د څو جلا کشفي عملیاتو په ترڅ کې پنځه تنه د نشه يي توکو او الکولي څښاکو د پلور او قاچاق په تړاو نیولي دي.
د دې کسانو له ډلې؛ د کابل په ارغندۍ چوک کې دوه تنه د څه باندې دوه کیلوګرامه "تریاکو، ښيښه او هیرویینو" د قاچاق، په فاریاب ولایت کې یو کس له ۱۱ بوتله الکولي څښاکو او همدارنګه په پروان او نیمروز ولایتونو کې هم دوه تنه د "چرسو او تریاکو" د پلور په تړاو نیول شوي دي.
د نیول شویو کسانو نسبتي دوسیې تر لومړنیو څېړنو وروسته اړونده بنسټ ته سپارل شوې دي.