پولیسو له ۱۳ ماین چاودنو مخنیوی کړی.
په هلمند، خوست، پکتیکا او فراه ولایتونو کې له ۱۳ ماین چاودنو مخنیوی شوی دی.
ترهګرو د هلمند د درېیمې حوزې په اړوند سیمو، د کابل – خوست پر عمومي سړک، د پکتیکا د مټاخان ولسوالۍ په سلطانو سیمه کې اوه کړۍ ماینونه ځای پر ځای کړي وو، چې هدف ته له رسېدو مخکې د امنیه قومندانیو د انجینیرۍ ډلې لخوا شنډ شول.
همداراز فراه کې هم د ګډو افغان ځواکونو د چاڼیزو عملیاتو په ترڅ کې شپږ کړۍ بېلابېل ماینونه کشف او د امنیه قومندانۍ د انجینیرۍ ډلې لخوا شنډ شول.
د یادونې ده چې د دې قضیې په تړاو یو شکمن کس نیول شوی دی.