په هرات ولایت کې ۱۵ عرادې غلا شوي موټرسايکلونه ترلاسه شول
د هرات ولایت د امنیه قوماندانۍ د درېیمې امنیتي حوزې پولیسو د یو لړ کشفي عملیاتو په ترڅ کې یو تن مسلکي غل، چې د یادې حوزې په اړوندو سیمو کې یې د ښاریانو نقلیه وسایط غلا کول، ونیوه.
د دغه نیول شوي کس څخه ۱۵ عرادې غلا شوي موټرسايکلونه هم د پولیسو لاس ته ورغلي دي. نیول شوی کس دا مهال تر پوښتنو لاندې دی او تر لومړنیو څېړنو وروسته به عدلي او قضايي ارګانونو ته وسپارل شي.