د پولیسو اکاډمۍخبرتیا
د پولیسو اکاډۍ د ۱۴۰۳/۱۰/۴ نېټې د خبرتیا په تعقیب چې په یاده اکاډمۍ کې د ماسټرۍ پروګرام د نوملیکنې په موخه خپره شوې وه یو ځل بیا ټولو مینوالو ته خبر ورکول کېږي چې د وروستیو سختو اورښتونو له کبله چې له وجې یې یو شمېر هېوادوالو ونه شول کولای چې د ماسترۍ پروګرام (د “جزا حقونو او جرمپېژندنې” او “اداره او عامه پالیسۍ”) په پروسه کې ګډون وکړي. نو له همدې امله د ماسترۍ پروګرام د نوملیکنې پروسه چې د کورنیو چارو وزارت منسوبینو لپاره د ملي پولیسو اکادمۍ لویې قوماندانۍ لخوا تنظیم شوې ده، د یوې اونۍ لپاره له ۱۴۰۳/۱۱/۶ نېټې څخه تر ۱۴۰۳/۱۱/۱۱ نېټې پورې وغځول شوه. دا پرېکړه د غوښتونکو او مجاهدینو لپاره د نوملیکنې په پروسه کې د کافي وخت او اسانتیاوو برابرېدو په موخه شوې ده. په شرایطو برابر کسان کولای شي چې په پاتې موده کې د نوملیکنې پروسه بشپړه کړي.
