د اسلامکلا بندر کې د څه باندې ۴۰۹ زره امریکایي ډالرو د قاچاق مخه ونیول شوه
د کورنیو چارو وزارت اړوند د سرحدي پولیسو د لوی ریاست منسوبینو، د هرات ولایت د اسلامکلا په ځمکني بندر کې د ۴۰۹ زره او ۲۰۰ امریکایي ډالرو د قاچاق مخه نیولې ده.
د معلوماتو له مخې، یو تن غوښتل یادې پیسې په غیرقانوني ډول له هېواده بهر انتقال کړي، چې د سرحدي پولیسو له لوري ونیول شو.
نیول شوی کس د قضیې د لا ډېرو څېړنو لپاره تر پوښتنو او ګروېږنو لاندې دی.