دوه ترهګر چې په کابل کې یې د هدفي وژنو هوډ درلود، ووژل شول
دوه ترهګر چې غوښتل یې د کابل ولایت د فرزې ولسوالۍ په اړوند سیمو کې د موټرسایکل په وسیله هدفي وژنې طرحه او سازماندهي کړي، د پولیسو لخوا وژل شوي دي.
یادو ترهګرو تېره ورځ د کابل ولایت د فرزې ولسوالۍ په "محمدجان کلا" سیمه کې د پولیسو پر منسوبینو وسله وال برید کړی و، چې د پولیسو د ځوابیه غبرګون په ترڅ کې دواړه ترهګر وژل شوي دي.
د یادونې وړ ده، چې له دې ترهګرو څخه دوه میله کلاشینکوفونه، یوه قبضه تومانچه او یو عراده موټرسایکل هم ترلاسه شوي دي.