د ترافیک ریاست خبرتیا

هغه درانه هېوادوال چې موټر یې په ګمرک کې درول شوي او تر دې دمخه په سیستم کې ثبت شوي، خبر ورکول کېږي څو د خپلو موټرو د قانوني کولو سند د طی مراحل په موخه یاد ځای ته له خپلې برېښنایي پېژندپاڼې سره یو ځای مراجعه وکړي؛ ګنې له دې پرته سند نه ورکول کېږي.
ټول هغه وسایط چې د تمدید په پړاو کې دي او یا هم په راتلونکي کې د وسایطو د تمدید هوډ لري، د موټر له څښتن سره یو ځای باید د ترافیکو په سیستم کې ثبت شي. هر هغه موټر چې له پلېټ پرته او همدارنګه د ترافیکو په سیستم او ډېټابېس کې له ثبت پرته وګرځي، د ترافیکو د موظفینو له لوري به ودرول شي.
د ټولو موټرو د مخ او څټ قانوني پلېټونه باید نصب وي. کوم موټر چې د هر لامل له امله قانوني پلېټ ونه لري او یا هم د موټر پلېټونه یې د تشخیص وړ نه وي، تر دې وروسته به یې موټر مصادره شي او هغه مهال بیا د شکایت حق ونه لري. 
یادونه: ګرانو هېوادوالو هغه څه چې وویل شول، جدي پرې عمل کېږي. پاملرنه وکړئ څو موټر مو مصادره او یا هم په دایمي ډول ونه درول شي. قانون ته غاړه اېښودل د ښاري او ترافیک نظم د رامنځته کېدو او همداراز له ناوړه پېښو د مخنیوي لامل کېږي.