۸ ولایتونو کې؛ پولیسو د نشه یي توکو یوه کارخونه موندلې او ۴۴ تنه نیولي دي
نشه یي توکو سره د مبارزې پولیسو د فراه ولایت په بکواه ولسوالۍ کې د نشه یي توکو یوه کارخونه موندلي او د یاد ولایت په فراه رود ولسوالۍ کې یې یو تن د ۸۹ کیلو نشه یي توکو د قاچاق په تړاو نیولی دی.
ورته مهال، پولیسو د کندهار ولایت سپین بولدک ولسوالۍ کې یو تن د ۶۶ کیلو ګرامه تریاکو او ۱۷۲ کیلو ګرامه اېف د قاچاق په تړاو نیولی دی.
همداراز یاد منسوبینو په پروان، کاپیسا، سرپل، نیمروز، غزني او خوست کې ۴۲ تنه د نشه یي توکو د پلور، کارولو او لېږد په تړاو نیولي دي.