کورنیو چارو وزارت په بادغیس کې د ۳۲ بنسټیزو پراختیايي پروژو پرانیسته وکړه
د کورنیو چارو وزارت د پراختیايي پروژو او پروګرامونو په چوکاټ کې، په بادغیس ولایت مرکز قلعهنو او د یاد ولایت په ټولو نهو ولسوالیو کې ۳۲ بېلابېلې بنسټیزې او زیربنایي پروژې رسماً پرانیستل شوې او عملي چارې یې پیل شوې.
یادې پروژې د ولایت مقام په همغږۍ، د ولایت د مرستیال والي او د کورنیو چارو وزارت د تامیناتي چارو معینیت اړوند د تأسیساتو ریاست د مسؤلینو په حضور کې پرانیستل شوې، چې په لنډ ډول پکې لاندې مهمې پروژې شاملې دي:
• د امنیې قومندانۍ اړوند د اداري او عملیاتي ودانیو جوړول،
• د ولسوالیو لپاره د اداري کمپلکسونو جوړول،
• د امنیتي برجونو، احاطوي دېوالونو او تأسیساتو رغول،
• د نشهیي توکو پر وړاندې د مبارزې او د معتادینو د درملنې اړوند ودانۍ،
• د روغتیایي کلینیک، د تېلو د زېرمتون او تخنیکي تجهیزاتو برابرول،
• او د امنیې قومندانۍ او ولسوالیو په کچه د مسجدونو جوړول.
د دغو ۳۲ پروژو ټولیز لګښت شاوخوا ۳۱۵ میلیونه افغانۍ دی، چې د ۱۴۰۵ مالي کال په لومړیو کې به بشپړې او ګټې اخیستنې ته به وسپارل شي. د یادو پروژو پلي کېدل به د امنیتي او اداري چارو د تنظیم، د خدمتونو د ښهوالي او خلکو ته د اسانتیاوو د رامنځته کېدو ترڅنګ، د کاري فرصتونو په برابرولو کې هم اغېزمن رول ولوبوي.