کنړ ولایت امنیه قومندانۍ جنایي جرمونو پر وړاندې د مبارزې منسوبینو لپاره د وړتیا لوړونې سیمینار پای ته ورسېد
د سیمینار په پای غونډه کې، د یاد ولایت امنیه قومندان مولوي ضیا الحق حامد، مولوي محمد سلیم مخلص او نورو مسوولینو او منسوبینو ګډون درلود.
ښاغلي حامد د سیمینار له جوړونکو او مسلکي استادانو څخه مننه وکړه او د ګډونوالو څخه یې وغوښتل چې د استادانو دستور العملونه عملي کړي او خپل مسلک ته وفاداره پاتې شي.
د دغه ښوونیز سیمینار موخه، د کشفي منسوبینو مسلکي وده، د قانون پلي کول او د ولس سره نېک چلند په ګوته شوی دی.
د سیمینار په پای کې په فارغو شویو منسوبینو د فراغت سندونه ووېشل شول.