څوک چې د ډاکټرانو پر وړاندې ناوړه چلند وکړي او د روغتیا پانګو ته زیان ورسوي، نیول کېږي

jamil-moi
7

په هېواد کې د کورونا درېیمه څپه په شدت سره روانه ده. هر کله چې پدې ویروس اخته کېږو او د درملنې په موخه روغتون ته ځو، هلته باید د ډاکټرانو او صحي ټیم پر وړاندې په پوره زغم او حوصلې چلند وکړو. په سختو ورځو کې باید د ډاکټرانو تر څنګ ودرېږو؛ نه دا چې تحقیر او توهین یې کړو. 
په وروستیو کې کله چې پر کورونا اخته ناروغ په یوه روغتون کې ساه ورکوي، د ناروغ اقارب ډاکټران وهي او د روغتون وسایل له منځه وړي. دا چاره د منلو نده او د غبرګون تر څنګ خبرداری ورکول کېږي، چې هر هغه څوک چې د ډاکټرانو پر وړاندې له ګواښ او زور کار واخلي، نیول کېږي او عدلي او قضایي بنسټونو ته به ور وپېژندل شي. 
ډاکټران پدې سختو شرایطو کې د دې وضعیت د مهار او د کوېډ۱۹ ناروغانو ته د رسېدنې په پار خپله وسه او هڅه کوي. دا نړیواله ستونزه ده او یوازې په افغانستان پورې اړه نه لري. بلخوا زموږ ټولنیز او فردي مسوولیت هم مهم دی چې هر یو باید پدې برخه کې خپل چلند او درملنې ته پاملرنه ولرو.

مطبوعاتي اعلامیې

دوشنبه ۱۴۰۰/۸/۲۴ - ۱۰:۵۹
Background image

‏خبرتیا !

د کورنیو چارو وزارت د پاسپورټ لوی ریاست په مرکز کې د ځینو تخنیکې ستونزو له کبله سر له سبا د پاسپورت توزیع وځنډوله
هیواد وال دې خبر وي.

جمعه ۱۴۰۰/۵/۱۵ - ۱۵:۳۰
Background image

د حکومت د اطلاعاتو او رسنیو مرکز  د مشر دواخان مینه پال د شهادت په تړاو د کورنیو چارو وزارت اعلامیه

په ژورې خواشینۍ سره ترهګرو نن د کابل ښار په اوومه حوزه کې د حکومت د اطلاعاتو او رسنیو مرکز مشر دواخان مینه پال شهید کړ.

Back to announcements