پروان کې دوه تنه د نشه يي توکو د قاچاق په تړاو ونیول شول
د پروان ولایت د امنیه قومندانۍ منسوبینو په سالنګ ولسوالۍ کې دوه تنه د نشه يي توکو د قاچاق په تړاو نیولي دي.
یادو کسانو ۱۴۵ کیلوګرامه چرس په یو عراده بار وړونکي موټر کې د نیالګیو په منځ کې په ځیرک ډول ځای پر ځای کړي وو، چې په شکار ګاه سیمه کې د پولیسو د یوې تلاشۍ په پایله کې نیول شوي دي.
د نیول شویو کسانو نسبتي دوسیې د لازیاتو څېړنو لپاره اړونده بنسټونو ته سپارل شوې دي.