د کورنیو چارو سرپرست وزیر په بامیان کې له امنیتي او دفاعي ځواکونو د ولس ملاتړ وستایه
د کورنیو چارو وزارت سرپرست جنرال عبدالستار میرزکوال په ولسي جرګه کې د بامیان ولس له استازي محمدرحیم علیارزاده، وکیل عبدالرحمان شهیداني، د سنا مجلس استازي الحاج قیس خان وکیلي او همدارنګه له جنرال نادر فهیمي سره د ټېلفوني اړیکې له لارې د یاد ولایت ولسي پاڅونونه وستایل.
جنرال عبدالستار میرزکوال له بامیان مېشتو مننه وکړه چې د ترهګرو په ځپلو کې یې له خپلو ملي امنیتي او دفاعي ځواکونو سره مرسته وکړه او دوښمن ته یې د بامیان په سپېڅلې خاروه کې د تسلط اجازه ورنه کړه.
د یادونې وړ ده چې په بامیان کې وروستي ولسي پاڅونونه د دې لامل شول، څو د هېواد ملي امنیتي او دفاعي ځواکونه سیغان او کهمرد ولسوالۍ په بشپړه توګه د ترهګرو طالبانو له شتونه پاکې کړي.