د کابل د نننۍ ترورېستي پېښې په تړاو د کورنیو چارو وزارت اعلامیه
د چاودېدونکو توکو او ماینونو ځای پر ځای کول جنګي جنایت دی او طالبان د دې جنایتونو او وژنو مسوول دي. د طالبانو دې عمل ته په مطلق ډول ځواب ورکول کېږي.
په خواشینۍ سره نن سهار ۸:۳۰ بجې د عامه ساتنې د ویاند ضیا ودان حامل موټر چې دندې ته پر لاره روان و، د ماین موخه ګرځېدلی. ښاغلی ودان له دوه همکارانو سره یې شهیدان شوي او یو بل یې ټپي شوی دی.
په وروستیو کې کوم ترهګر چې نیول شوي په خپلو اعترافاتو کې یې واضېح ویلي چې د طالبانو غړیتوب لري. ترورېستي ډلې په وړو برخو وېشل شوې او ځینې یې تر پېژندنې وروسته نیول شوې دي. دا قاتلین او جنایتکاران پټ نشي پاتې کېدی. دوی باید یا وځپل شي او یا هم د قانون منګولو ته وسپارل شي.
