د پولیس راډیو لپاره سیمه‌ ییز خبریال

د دندې عنوان:  سیمه ‌ییز خبریال 
اړوند اداره:  پولیس راډیو
د کار ځای:  بېلابېلې ولسوالۍ او ولایتونه
د دندې ډول: د اړتیا پر بنسټ قراردادي وروسته له ارزیابې رسمي کېدل
د دندې لنډیز:
پولیس راډیو د بااستعداده، مسلکي او سیمه ‌ییز خبریال ته اړتیا لري ترڅو د بېلابېلو سیمو څخه خبرونه او راپورونه راټول او برابر کړي.
د دندې شرایط:
1. د ژورنالستیکو اصولو او د رسنېزې پالیسۍ سره سم خبر لیکنه.
2. د ځايي خلکو، چارواکو، او امنیتي مسؤلینو سره مرکې ترسره کول.
3. د مهمو پیښو فوري پوښښ.
4. د ټولنیزو، اقتصادي، او سیاسي پېښو تحلیل او د موضوعاتو راپور کول. 
5. د راپورونو چمتو کولو لپاره د ژورنالستیکو اصولو، دقت او حقیقت موندنې ته ژمنتیا.
6. د خپرونو د مهالویش سره سم د راپورونو سپارل او د خبرونو په وخت رسونه.
د ګمارنې شرایط:
1. د ژورنالیزم، ادبیاتو یا ورته برخو کې تحصیلي سند لرل (که رسمي سند ونه لري، کاري تجربه مهمه ده).
2. لږ تر لږه دوه کلنه کاري تجربه د راډیو/ ټلویزیون راپور یا خبر لیکلو برخه کې.
3. ښکلی، واضح، او مسلکي غږ درلودل.
4. د پښتو او دري څخه په يوې ژبې پوره برلاسی لرل که دواړه ژبې يې روانې وي، امتیاز لري.
5. ایډیټینګ سافټویرونو سره بلدیت یو امتیاز دی.
6.  د ژورنالستیکو اصولو، حقیقت موندنې، راپور ورکولو پیاوړي مهارتونه.
د غوښتنلیک سپارلو لار:
په شرایطو برابر کسان کولی شي خپلې(CV) د دغه moipoliceradio@gmail.com برېښنالیک له لارې را واستوي.
یوازې هغه غوښتونکي چې د شرایطو وړ وبلل شي د لومړنۍ ازموینې لپاره شارټ ‌لېست کېږي. له ازموینې وروسته ټاکل شوي کسان مرکې (انټرویو) ته بلل کېږي. د مرکې له بریالي کېدو وروسته یوه لنډه موده د عملي کار ارزونه کېږي. که نوماند ټولې قانوني پروسې په بریالیتوب بشپړې کړي نو د دندې موقعیت ورته مشخص او رسمي دنده ورسپارل کېږي.
د غوراوي بهیر د بشپړېدو لپاره به له اړوندو کسانو سره اړیکه نیول کېږي. د غوښتنلیک له استولو وروسته له مکرر تماس نیولو ډډه وکړئ.
یادونه :د برېښنالیک موضوع(Subject)  کې باید " د پولیس راډیو لپاره سمیه ییز خبریال” یاد کړل شي.
که کومه پوښتنه یا نورو معلوماتو ته اړتیا لرئ، مهرباني وکړئ د لاندې شمېرو له لارې اړیکه ونیسئ:
وټساپ / تلیفون:
0093777685947
0093778153719