د شهید سترپاسوال عبدالرازق د ملي پولیسو اکاډمۍ د عمومي قومندانۍ خبرتیا
په هېواد کې دننه او بهر د ملکي دولتي/خصوصي پوهنتونونو د کمپیوټرساینس، حقوق، شرعیات، ژورنالېزم، اقتصاد او اروا پوهنې پوهنځیو فارغینو ته چې د لېسانس سند ولري او تر دې دمخه یې د شهید سترپاسوال عبدالرازق د ملي پولیسو اکاډمۍ په عمومي قومندانۍ کې د فوق لېسانس د شمولیت نوملیکنه بشپړه کړې وي؛ رسول کېږي چې د مصاحبې او فورم ډکونې لپاره دې د روان کال د مرغومي میاشتې د ۱۴ تر ۱۶ نېټې د شهید سترپاسوال عبدالرازق د ملي پولیسو اکاډمۍ عمومي قومندانۍ ته مراجعه وکړي او یا دې یاد فورم د کورنیو چارو وزارت د برېښنايي پاڼې له لارې ترلاسه کړي او د فورم له ډکونې او بشپړونې وروسته دې د شهید سترپاسوال عبدالرازق د ملي پولیسو اکاډمۍ ته تسلیم کړي؛ تر څو هغې ته په کتو د پاتې پړاوونو د بشپړولو په تړاو اجراآت ترسره شي.
همداراز ټولو متقاضیانو ته خبر ورکول کېږي چې د دې برنامې د نوملیکنې نېټه د ۱۳۹۸ کال د مرغومي په ۱۰ پای ته رسېږي او له دې نېټې وروسته دې متقاضیان د شهید سترپاسوال عبدالرازق د ملي پولیسو اکاډمۍ ته مراجعه نه کوي.
یادونه: د ځیرکو موبایلونو او برېښنايي وسایلو د ساتنځای د نشتون له امله د دې وسایلو له راوړلو په کلکه ډډه وکړئ.
