د حامد کرزي په نړیوال هوايي ډګر کې د نشه يي توکو یو قاچاقبر ونیول شو
![۷](/sites/default/files/2021-08/221308450_2069782533159633_5242950539591994732_n_6.jpg)
تېره ورځ د نشه يي توکو پر وړاندې د مبارزې منسوبینو له سرحدي ځواکونو سره یو ځای د کابل د حامد کرزي په نړیوال هوايي ډګر کې یو کس د نشه يي توکو د قاچاق په تړاو نیولی دی.
یاد کس غوښتل چې څه باندې ۷ کیلوګرامه ښيښه د ګمرګ په وسیله له هېواده بهر ته قاچاق کړي، چې د پولیسو لخوا تر پېژندنې وروسته نیول شوی دی.
د دې قضیې په تړاو یو بل کس هم د کابل ښار په اتمه حوزه کې نیول شوی دی.