په دایکندي کې ۱۴ زره کیلوګرامه ترکيبي توکي او یوه اندازه نشه يي توکي وسوځول شول
د دایکندي ولایت د امنیې قومندانۍ د نشه يي توکو پر وړاندې د مبارزې منسوبینو لخوا یوه اندازه نشه يي توکي له ۱۴ زره کیلوګرامه ترکیبي موادو سره یوځای، چې د ۱۴۴۷ هـ.ق کال په اوږدو کې په دغه ولایت کې راټول شوي وو، د بېلابېلو ارګانونو د پلاوي په شتون کې وسوځول شول، چې په سوځول شویو توکو کې نشه يي ګولۍ (ټابلیټ)، شیشه، هیرویین، اپین (تریاک)، چرس، تیزاب، شراب، یامه او نور بېلابېل ډوله نشه يي توکي شامل دي.