د کورنیو چارو وزارت ابلاغیه

خبرداری!
د افغانستان د با عزته خلکو د امنیت د ټینګولو په موخه، په جدیت او وضاحت سره خبر ورکول کېږي چې د هېواد په هېڅ ولایت کې له دې وروسته نا مسووله وسله وال، قانون ماتوونکي او زورواکي کسان نشي ګرځېدلی.
د افغانستان ملي پولیس؛ د هېوادوالو د ښه امنیت د ټینګولو په موخه، هېڅ زورواکي ته اجازه نه ورکوي تر څو په ټولنه کې عامه امن او نظم ګډوډ کړي.
له دې امله د ملي پولیسو ټولو ځواکونو ته لارښوونه کېږي، تر څو د نا مسووله وسله والو، قانون ماتوونکو، زورواکو او جنایت کوونکو پر وړاندې جدي عمل وکړي او هغوی د قانون منګلو ته وسپاري.
کورنیو چارو وزارت یو ځل بیا له ټولو هېوادوالو غواړي، چې د جنایت کوونکو، زورواکو او قانون ماتوونکو په پېژندنه کې له پولیسو سره مرسته وکړي.
پولیس د نیونې او ډزو واک لري.
له خپلو پولیسو سره اوسئ!