نیمروز کې ۱۶ ترهګرو طالبانو ته مرګ ژوبله واوښته
ملي پولیسو، ملي اردو او ملي امنیت ځواکونو تېره ورځ د نیمروز ولایت د چخانسور ولسوالۍ په اړوند "اور افغاني" او "کده" کلیو کې د ترهګرو طالبانو پر پټنځایونو ګډ عملیات ترسره کړي، چې په پایله کې یې ۱۰ ترهګر طالبان وژل شوي او شپږ نور ټپیان شوي دي.
همدارنګه له یادو پټنځایونه څخه لس کړۍ بشکهيي ماینونه، پینځه ډزه توغندي، د ام-۴۰ دوه شریدونه، یو عراده موټرسایکل او دوه پایې مخابرې هم د امنیتي او دفاعي ځواکونو لاسته ورغلې دي.