هرات کې یو غل له پولیسو سره په نښته کې ووژل شو

هرات پولیسو د دوه جلا عملیاتو په ترڅ کې یو غل وژلی او درې نور یې نیولي دي.
د وسله والو غلو دوه کسیزه ډله چې غوښتل یې د هرات ښار د پنځلسمې امنیتي حوزې په اړوند سیمو کې یو عراده موټرسایکل غلا کړي، له پولیسو سره نښتي، چې له امله یې یو غل وژل شوی او بل یې ژوندی نیول شوی دی.
همداراز؛ د هرات  ښار د پنځلسمې امنیتي حوزې په اړوند سیمو کې د پولیسو د یوه بل عملیات په ترڅ کې د موټر دوه حرفوي غله له یوې قبضې تومانچې، دوه عرادو موټرو او یو عراده موټرسایکل سره یو ځای نیول شوي دي.