په هرات او بغلان ولایتونو کې د ۱۳۷ کیلو ګرامه تریاکو د قاچاقو مخنیوی شوی
د هرات ولایت امنیې قومندانۍ د نشه يي توکو پر وړاندې د مبارزې پولیسو د دغه ولایت د کوه زر ولسوالۍ د شور بازار په سیمه کې د یو پلټونکي عملیات په پایله کې یو تن د ۸۳ کیلو ګرامه ویلي شوې تریاکو د قاچاق په تړاو نیول شوی.
همدارنګه، د بغلان ولایت د نشه يي توکو پر وړاندې د مبارزې پولیسو یو تن له ۵۴ ګیلو ګرامه تاریاکو سره چې په ډېر ماهرانه ډول يې په یو موټر کې ځای پر ځای کړي وو او غوښتل يې، چې کابل ولایت ته يې قاچاق کړي د دغه ولایت د خنچان ولسوالۍ په دوشاخ سیمه کې نیولی.