۱۱ ولایتونه: ۲۵ تنه د نشه یي توکو کارولو، قاچاق او پلور په تړاو ونیول شول
نشه یي توکو سره د مبارزې منسوبینو په ۱۱ ولایتونو کې د څو جلا عملیاتو پر مهال ۲۵ تنه د نشه یي توکو د قاچاق او کارولو په تړاو نیولي دي.
له منځه یي، سرپل کې پنځه تنه د شراب څښلو په تړاو، یو تن په ننګرهار کې د ۴ کیلو شیشې په تړاو، ۴ تنه په کابل کې له ۴۹۰۰ نشه یي ګولیو سره، درې تنه په بلخ کې له ۲۵۹۶ د کا نشه یي ګولیو په تړاو او د نشه یي توکو د خرڅلاو په تړاو درې تنه په کاپیسا، درې په فراه، ۳ په خوست، دوه تنه په بدخشان او درې نور په پروان، فاریاب او نیمروز ولایتونو کې نیول شوي دي.