پولیسو ۹ تنه د نشه يي توکو د پلور او قاچاق په تړاو ونیول
د نشه يي توکو پر وړاندې د مبارزې منسوبینو د څو جلا هدفمند عملیاتو په ترڅ کې نهه تنه د نشه يي توکو د پلور او قاچاق په تړاو نیولي دي.
د یادو کسانو له ډلې؛ ننګرهار ولایت کې د نشه يي توکو پنځه پلورونکي او یو قاچاقبر، پروان ولایت دوه قاچاقبران او همدارنګه پنجشېر ولایت کې هم یو قاچاقبر نیول شوي دي.
له نیول شویو کسانو څخه ۶۰ کیلوګرامه تریاک، ۱۴ کیلوګرامه چرس او یو اندازه هیرویین او ښيښه هم ترلاسه شوي دي.