ننګرهار کې له یوې موټربم چاودنې مخنیوی شوی
د نشه يي توکو پر وړاندې د مبارزې منسوبینو د یو لړ ځانګړو عملیاتو په پایله کې د ترهګرو له چاودېدونکو توکو ډک موټر کشف او ترلاسه کړی دی.
یاد موټربم د جلال اباد ښار په نهمه ناحیه کې کشف شوی او له دې موټر څخه د ۲۵ بوریو چاودېدونکو توکو سربېره؛ د پيکا زر ډزه ګولۍ، د زیکویک دوه سوه ډزه ګولۍ، د کلاشینکوف څه باندې پنځه سوه ډزه ګولۍ او همدارنګه د ماین پنځه عدده کنټرول ریموټونه کشف او ترلاسه شوي دي.
د یادونې وړ ده چې د دې قضیې په تړاو یو ترهګر نیول شوی دی.