سمنګان کې ۲۰ ترهګر طالبان ووژل شول
د هېواد ملي امنیتي او دفاعي ځواکونو د تېرو ۲۴ ساعتونو په لړ کې د سمنګان ولایت د مرکز ایبک ښار په اړوند سیمو کې د ترهګرو طالبانو د بریدونو پر وړاندې په ځوابیه بریدونو کې ترهګرو ته درنه مرګ ژوبله ور اړولې ده.
په یادو ځوابیه بریدونو کې ۲۰ ترهګر طالبان وژل شوي او ۸ نور ټپيان دي.
د یادونې وړ ده چې د ترهګرو څلور جسدونه له څلور میله کلاشینکوفونو سره یو ځای د جګړې په ډګر کې پاتې شوې دي.