د کورنیو چارو وزارت د ستر امنیتي معین په مشرۍ د دې وزارت له مرستیالانو، رییسانو او قومندانانو سره ګډه امنیتي غونډه ترسره شوه.

moi-af
سه‌شنبه ۱۳۹۷/۹/۱۳ - ۱۳:۱۱
د کورنیو چارو وزارت

په دې غونډه کې د کورنیو چارو وزارت ستر امنیتي معین ستر پاسوال اختر محمد ابراهیمي د ولایتونو د امنیه قومندانانو ستونزې او ننګونې واورېدې او اړوند چارواکو ته یې د حل لارو په موخه بېړنۍ سپارښتنې وکړې.

د دې ترڅنګ؛ ښاغلي ابراهیمي د نورستان، غزني، پکتیا، کندهار، ارزګان، هلمند، فاریاب، بدخشان او زابل ولایتونو د پرسونل د اپس سیسټم په بشپړېدو ټینګار وکړ او زیاته یې کړه، چې په اپس سیسټم کې د پرسونل شاملېدل، له ځنډ پرته د دوی د حقوقو او امیتازاتو د ورکړې لامل کېږي.

د غونډې په لړ کې ښاغلي ابراهیمي د کشفي او استخباراتي بنسټونو ترمنځ همغږي اړینه وبلله او ویې ویل، چې د عملیاتو پر مهال د ملکي تلفاتو د مخنیوي په موخه باید له ځانګړو کړنلارو ګټه واخیستل شي څو په ملکي تلفاتو کې پوره کموالی راشي.

همداراز د کورنیو چارو وزارت ستر امنیتي معین د پېژنتون ریاست ته سپارښتنه وکړه؛ څو د روټېشن لړۍ دې رڼه او د مسلک په اساس ترسره کړي.

په غونډه کې د لویو لارو د امنیت په ټینګښت او د ژمنیو عملیاتو په چټکتیا هم غور وشو او زیاته شوه چې ولایتونو ته باید اکمالات په وخت سره ترسره شي.

تازه خبرونه

سه‌شنبه ۱۳۹۷/۹/۲۰ - ۱۸:۱۴
Background image

د کورنیو چارو وزارت د مرکز او ولایتونو د قطعاتو او جزوتامونو د عقیدتي او فرهنګي چارواکو او ملا امامانو ښوونیز او لارښود سیمینار د ملي پولیسو په اکاډمۍ کې جوړ شو.

د دې سیمینار موخه د اسلام په چوکاټ کې له هېواده د دفاع اړتیا، د دښمن پېژندنې اړتیا، د امنیت په ټینګښت کې د علماو رول، په اسلام کې د امنیتي ځواکونو ځای، د ښځو رول او هېواد پالنه ښودل شوې. . .

سه‌شنبه ۱۳۹۷/۹/۲۰ - ۱۰:۶
Background image

خوست ولایت کې د سیم باکسونو پینځه پایې دستګاوې کشف شوې.


خوست ولایت کې د مخابراتي شبکو پینځه دستګاوې (سیم باکسونه) له یو اندازه نورو تجهیزاتو سره، چې په غیر قانوني توګه د هېواد د اقتصادي او امنیتي ګتو په خلاف کارول کېدې، کشف او ضبط شوې.
کشف. . .

دوشنبه ۱۳۹۷/۹/۱۹ - ۱۴:۴۹
Background image

کورنیو چارو وزارت کې د ملي پولیسو د مسلکي توب د کچې ډېروالی او د اوسنۍ رهبرۍ د موثریت څلور ورځنی سیمینار نن پیل شو


د کورنیو چارو وزارت اداري معین لوی پاسوال عبدالجبار پردلي د دې سیمینار پرانیسته د پولیسو د مسلکي توب او د رهبرۍ د کچې په موثریت کې د پاملرنې وړ وبله او زیاته یې کړه، چې د دې سیمینارونو. . .

بېرته خبرونه ته