د کورنیو چارو وزارت د ستراتیژۍ او پالیسۍ مرستیال له لورې پکتیکا ته نوی والي وروپېژندل شو
په همدې موخه په جوړو شويو مراسمو کې د کورنیو چارو وزارت د پالیسی او ستراتیژی مرستیال مولوي عبدالحق مخدوم په ګډون، د یاد ولایت پخواني والي، قومي مخورو او ګڼ شمېر مسوولینو برخه اخیستې وه، د کورنیو چارو وزارت د تامیناتي چارو معینیت پخوانی مرستیال مولوي فیض الله جمال پکتیکا ته د نوي ټاکل شوي والي په توګه ور وپیژندل شو.
ښاغلي جمال د پکتیکا ولسونو ته په خپله لومړۍ وینا کې یو شمېر ژمنې وکړې او وې ویل، چې په پکتیکا کې به یو شمېر بنسټيزې پروژې عملي کړي.