د کورنیو چارو وزارت خبرتیا
د کورنیو چارو وزارت د منسوبینو، معلولینو او د پولیسو د شهیدانو د درنو کورنیو ستونزو او شکایتونو ته د رسېدنې په موخه؛ د کورنیو چارو وزارت مشرتابه پرېکړه کړې، چې له دې وروسته کولای شي د پنجشنبې په ورځو کې له (۱۰:۰۰ تر ۱:۰۰) پورې د یاد وزارت له منسوبینو سره په مسقیمه توګه وګوري او خپلې ستونزې له نږدې مطرح کړي.
له همدې امله د کورنیو چارو وزارت هغه منسوبین چې ستونزې لري، رسول کېږي څو له دې وروسته په ټاکل شوي وخت کې د کورنیو چارو وزارت د مقام دفتر لومړي پوړ تالار ته مراجعه وکړي.
درانه غوښتونکي کولای شي څو د هرې اونۍ له شنبې تر چارشنبې ورځو پورې د کتنې فورم د عامه خدمتونو له مرکز او یا هم د کورنیو چارو وزارت له وېب پاڼې څخه ترلاسه کړي او د کتنې وخت وټاکي.
د اړیکو شمېرې: ۰۲۰۲۲۰۲۴۳۸
۰۲۰۲۲۰۱۶۴۳
