د کورنیو چارو سرپرست وزیر د ملګرو ملتونو د سرمنشي له مرستیال سره وکتل
![۷](/sites/default/files/2021-06/189096266_2019906448147242_7878305353976382219_n_9.jpg)
د کورنیو چارو سرپرست وزیر حیات الله حیات نن له غرمې مخکې په خپل کاري دفتر کې د امنیت او مصوونیت په برخه کې د ملګرو ملتونو د سازمان د سرمنشي له مرستیال ژل میشو او همدارنګه د افغانستان لپاره د ملګرو ملتونو له ځانګړي استازي دیبورا لاینز سره وکتل.
د کورنیو چارو وزارت سرپرست په دې کتنه کې په افغانستان کې د ملګرو ملتونو د سازمان د کارکوونکو او استازولیو د امنیت د ټینګښت د څرنګوالي په اړه خبرې وکړې او په هېواد کې یې د دیپلوماتانو او سیاسي استازولیو د امنیت له ساتنې ډاډ ورکړ.
ښاغلي حیات د خپلو خبرو په لړ کې د ترهګرو طالبانو د وروستیو جنایتونو په تړاو چې خلکو ته د درنو مالي او ځاني زیانونو لامل شوي، معلومات وړاندې کړل.
د ملګرو ملتونو د سازمان د سرمنشي مرستیال هم ډاډ ورکړ، چې یاد سازمان به د هېواد له ملي امنیتي او دفاعي ځواکونو په ځانګړې توګه له ملي پولیسو څخه بشپړ ملاتړ وکړي.