د کابل پوهنتون دروازې ته څېرمه د موټر بم چاودنې په تړاو د کورنیو چارو وزارت اعلامیه!
نن سهار شاوخوا ۰۷:۳۰ بجې د کابل پوهنتون سویلي دروازې ته څېرمه موټر بم چاودنه شوې.
چاودنه داسې مهال رامنځته شوه، چې شونې وه نن د کابل پوهنتون د قضا د ستاژ آزموینه اخیستل شوې وی او په یاده آزموینه کې د ګډون لپاره ګڼ شمېر محصلینو برخه اخیستنې وه.
د یادې چاودنې په ترڅ کې یو پولیس-ترافیک او اوه ملکیان شهیدان شوي او ۳۴ ملکیان ټپیان شوي، چې د درملنې لپاره روغتون ته لېږدول شوي دي.
ترهګر د پوهنتونونو، ښوونځيو، جوماتونو او عامه ځایونو په نښه کولو سره خپل جنګي جنایت ښکاروي.
افغان امنیتي او دفاعي ځواکونه به د طالب او داعشي ترهګرو په خلاف عملیات لا چټک او تُند کړي.
