دایکندي او ننګرهار کې له پنځو ماین چاودنو د مخنیوي سربېره؛ یو کس د ماین خښونې په تړاو ونیول شو
د ملي پولیسو منسوبینو د څو جلا عملیاتو په ترڅ کې په دایکندي کې له څلورو ماین چاودنو او همدارنګه په ننګرهار کې هم د یوه کړۍ ماین له چاودنې مخنیوی کړی دی.
یاد ماینونه په تازهګۍ سره د دایکندي ولایت په کجران ولسوالۍ او د ننګرهار ولایت د مرکز جلال اباد ښار د اومې حوزې په اړوند سیمو کې د ترورېستي پېښو په موخه ځای پر ځای شوي وو.
بلخوا؛ د هرات ولایت د ګذرې ولسوالۍ په سیاوشان کلي کې یو کس د ماین خښونې په تړاو نیول شوی دی.