بلخ کې د وسلو او مهماتو یوه زېرمه کشف او ترلاسه شوه
د ملي پولیسو ځانګړو ځواکونو تېره شپه د بلخ ولایت په دهدادي ولسوالۍ کې ځینې هدفمند عملیات ترسره کړي، چې په ترڅ کې يې د وسلو او مهماتو یوه زېرمه کشف او ترلاسه کړې ده.
له یادې زېرمې څخه ۱۳ میله کلاشینکوفونه، ۱۳ قبضې تفنګچې، پنځه میله بېلابېل ډوله وسلې، پنځه ډزه د توغندي ګولۍ، ۱۳ قبضې لاسي بمونه، ۳۳۵۰۰ ډزه ګولۍ، یو اندازه تجهیزات او نظامي وسایل هم ترلاسه شوي دي.
د دې قضیې په تړاو تر اوسه څوک ندي نیول شوي، خو د نیولو لپاره یې د پولیسو هڅې روانې دي.