بغلان او سمنګان کې درې تنه د موټر او زرو د غلا په تړاو ونیول شول
پولیسو په بغلان او سمنګان ولایتونو کې د دوه جلا اوپراتیفي عملیاتو په ترڅ کې درې تنه د موټر او زرو د غلا په تړاو نیولي دي.
د دې کسانو له ډلې؛ د بغلان ولایت د دوشي ولسوالۍ په اړوند سیمو کې د وسله والو غلو دوه کسیزه ډله د موټر د غلا پر مهال له یو میل کلاشینکوف وسلې او یوې قبضې تومانچې سره یو ځای نیول شوې او همدارنګه د سمنګان ولایت په سانچارک ولسوالۍ کې هم یو کس چې غوښتل یې د زرو یو پلورنځی لوټ کړي، نیول شوی دی.
د نیول شویو کسانو نسبتي دوسیې تر لومړنیو څېړنو وروسته اړونده بنسټ ته سپارل شوې دي.