د کورنیو چارو وزارت پیغام
![سبسبسبسب](/sites/default/files/2024-03/whatsapp_image_2024-03-06_at_9.48.05_am.jpeg)
د وسلو ټولولو په اړه د پوهاوي نړیواله ورځ د سولې ساتلو او د نړیوال امنیت په رامنځته کولو کې د کلیدي اقداماتو په توګه ځانګړی اهمیت لري.
د دودیزو او غیر دودیزو وسلو کارول کولی شي انسانیت، چاپیریال او دوامداره پرمختګ ته جدي ستونزې پېښې کړي، چې بې له شکه بې وسلې کول او د وسلو نه ویش یاد ګواښونه کمولی شي.
افغانستان د نړیوالې ټولنې ترڅنک دغه ورځې ته په درنه سترګه ګوري او له هغو هیوادونو څخه چې له دغې برخې ګتې لري غواړي چې د خپلو وسلو په تولید او خرڅلاو سره د انسانیت د تباهۍ او د بې ګناه خلکو د ډله ییزې وژنې لامل نه شي.
افغانستان له هغو هیوادونو څخه دی چې له بده مرغه خلک یې له وروستیو څو لسیزو راهیسې د یرغلګرو هیوادونو د وسلو د سیالۍ له امله د سپکو او درنو وسلو، ماینونو او نورو چاودیدونکو توکو له کارولو او ازمایښت څخه اغیزمن او زیانمن شوي دي.
د افغانستان اسلامي امارت د خپلې ستراتیژۍ او پلانونو له مخې په افغانستان او سیمه کې د ثبات غوښتونکی دی او د هغو پاتې وسلو د ساتنې او پالنې ته ژمن دی چې په حقیقت کې د هېواد امنیتي او دفاعي ارزښت ګڼل کيږي.
د افغانستان د اسلامي امارت مشرتابه له غیر مسوولو کسانو څخه د ناقانونه وسلو د ټولولو لپاره لازم تدابیر نیولي دي او دا پروسه په جديت او بریالیتوب سره پر مخ روانه ده.
د کورنیو چارو وزارت ویاند مفتي عبدالمتین قانع