د کندهار امنیه قوماندانۍ د جنايي جرمونو پر وړاندې د مبارزې پولیسو
درې عرادې «اکوا» ډوله موټر، چې څه موده وړاندې په هرات ولایت کې غلا شوي وو او وروسته د غلو له لوري کندهار او هلمند ولایتونو ته لېږدول شوي وو، کشف او ضبط کړي او په تړاو یې څلور تنه نیولي دي.
همدارنګه، د کورنیو چارو وزارت د جنايي جرمونو پر وړاندې د مبارزې پولیسو دوه تنه په ننګرهار ولایت کې د کرنیزو درملو د قاچاق، یو تن د نورستان ولایت په واما ولسوالۍ کې د قتل او یو بل تن د فاریاب ولایت په قیصار ولسوالۍ کې د څارویو د غلا په تړاو نیولي دي.