خوست کې؛ پولیسو نشه یي کروندې تخریب او ۱۹ تنه د نشه یي توکو سره نیولي
د خوست نشه یي توکو سره د مبارزې پولیسو په تېرو دوو اونیو کې ۲۲ کیلو نشه یي توکي چې چرس، هیرویین، شيشه او ۳ زره او ۵۰۰ نشه یي ګولۍ پکې دي نیولي او ۴ جریبه کرل شوي کوکنار یې اړولي دي.
پولیسو په یادو عملیاتو کې چې په اسماعیل خيل، تڼيو، ګربز، علي شير او صبرۍ ولسوالۍ کې ترسره شوه ۱۹ تنه نیولي چې دوسیې یې د څېړلو په موخه عدلي او قضایي ادارو ته سپارل شوي دي.