فاریاب کې اوو ترهګرو طالبانو ته مرګ ژوبله اوښتې
تېره شپه ترهګرو طالبانو د فاریاب ولایت د ښاري حوزو په ده سیدان سیمه کې پر امنیتي پوستو بریدونه ترسره کړي، چې د امنیتي ځواکونو له کلکو ځوابیه بریدونو سره مخ شوي او په ترڅ کې یې د ترهګرو طالبانو د یوه ډلمشر نعمت الله په ګډون دوه ترهګر وژل شوي او پنځه نور هر یو قاري صمد، ملا عارف، ملا نور، قاري محمد او قاري عبدالله ټپیان دي.
په دې نښتو کې امنیتي ځواکونو ته زیان ندی رسېدلی.