کابل او فاریاب کې له دوه خونړیو پېښو چې موخه یې لمونځ کوونکي وو، مخنیوی شوی

ملي امنیتي او دفاعي ځواکونو په کابل او فاریاب ولایتونو کې دوه کړۍ ماینونه چې موخه یې د تراوېح لمونځ کوونکي وو، کشف او شنډ کړي دي.
ترهګرو طالبانو تېره شپه د کابل ښار د اتمې ناحیې د شاه‌شهید سیمې په درېیم سړک کې یو کړۍ ماین ځای پر ځای کړی و او غوښتل یې د یادې سیمې لمونځ کوونکي په نښه کړي، چې د ملي پولیسو له لوري پر وخت کشف او شنډ شوی دی.
بلخوا؛ ملي اردو او ملي پولیسو هم تېره شپه د فاریاب ولایت په شرین تګاب ولسوالۍ کې یو کړۍ ماین چې موخه یې یې د تراوېح لمونځ کوونکي وو او په جومات کې یې دننه ځای پر ځای کړی و، کشف او شنډ کړی دی.