ننګرهار کې یو کس د "کا" نشه کوونکو تابلېتونو د قاچاق په تړاو ونیول شو
![5](/sites/default/files/2020-08/118285956_1783595491778340_45693977706501177_n_14.jpg)
د ننګرهار ولایت د امنیه قومندانۍ د نشه يي توکو پر وړاندې د مبارزې مدیریت منسوبینو د یو لړ کشفي عملیاتو په ترڅ کې یو کس د نږدې اوه زره "کا" نشه کوونکو تابلېتونو د قاچاق په تړاو نیولی دی.
یاد کس ۶۹۸۹ عدده "کا" تابلېتونه په یوه بار وړونکي ټېلر ډوله موټر کې ځای پر ځای کړي وو، چې د تورخم په بندر کې تر پېژندنې وروسته نیول شوی دی.
د دې کس نسبتي دوسیه تر لومړنیو څېړنو وروسته اړونده بنسټ ته سپارل شوې ده.