د ښځینه پولیسو د جلب او جذب په تړاو د کورنیو چارو وزارت خبرتیا!

کورنیو چارو وزارت په پام کې لري ترڅو د ۱۴ ټولګي او لېسانس ۲۵۰ فارغانې چې د ملي پولیسو لیکو ته لېواله وي، د مسلکي بنسټیزو زده کړو لپاره د ترکیې هېواد لنډمهاله کورسونو ته ولېږي.
د نوم لیکنې شرطونه:
* د تابعیت پېژندپاڼه
* د ښونځي او یا پوهنتون د فراغت سند
* د کورنۍ خوښه
* د ملي پولیسو لیکو ته د پیوستون او د دندو په ترسراوي ژمنتیا
* عمر یې له ۱۸ تر ۳۰ کلونو وي
* په جنايي جرمونو تورن نه وي
* بشپړه روغتیا ولري او په نشه يي توکو روږدي نه وي
اسانتیاوې:
* داوطلبانو ته د سفر ټولې اسانتیاوې او د زده کړې اسانتیاوې وړیا او د دولت پر غاړه دي.
* له فراغت وروسته د دندې په لړ کې ځانګړي مادي مرستې ورسره کېږي.

په شرایطو برابرې ښځینه داوطلبانې د شمولیت د فورمې د ترلاسه کولو لپاره کولای شي په مرکز کې د ملي پولیسو د جلب او جذب عمومي قومندانۍ ته چې د کابل ولایت سره د صدارت-ده افغانان ترمنځ څلور لاره کې موقعیت لري، مراجعه وکړي.
د لا زیاتو معلوماتو لپاره له لاندې شمېرو سره په اړیکه کې شئ.
د اړیکو شمېرې: 0202210186 – 0791205050
برېښنايي پته: Jamshid.Kohdamani@moi.gov.af