۹ ولایتونو کې؛ پولیسو ۳۳ تنه د نشه یي توکو د قاچاق او پلور په تړاو ونیول
نشه یي توکو سره د مبارزې پولیسو په هرات، ننګرهار، سمنګان، کاپیسا، فاریاب، نیمروز، دایکندي او فراه کې د څو جلا عملیاتو په مهال ۳۱ تنه د نشه یي توکو د قاچاق او پلور په تړاو نیولي او ۱۶ زره او ۵۲۸ نشه یي ګولۍ، دوه کیلو ګرامه تریاک او یوه اندازه شیشه یي ترې لاسته راوړې ده. همداراز، پولیسو کابل ښار کې د دوو جلا عملیاتو پایله کې یو تن له ۲۰ کیلو ګرامه شیشې سره په سنګ نوشته سیمه او یو بل تن له ۱۴۰۳۰ ډبي تراماډول ګولیو سره د کابل ښار په ارغندي سیمه کې نیولی دی.