۷ ولایتونو کې؛ پولیسو ۲۴ تنه د نشه یي توکو د پلور، کارولو او لېږد په تړاو نیولي
نشه یي توکو سره د مبارزې پولیسو په هرات، لغمان، ننګرهار، کاپیسا، بلخ او خوست کې د جلا عملیاتو پایله کې ۲۲ تنه د نشه یي توکو د پلور، کارولو او لېږد په تړاو نیولي او ۱۶ کیلو ګرامه چرس، یوه اندازه شیشه، الکولي څښاک او نشه یي ګولۍ ترې لاسته راوړي دي.
همداراز پولیسو په غور ولایت کې دوه تنه له ۲۵۰۰ کیلو ګرامه ومانو او ۸۰ کیلو ګرامه اېف نشه یي توکو سره نيولي او نیول شوي نشه یي توکي سوځولي دي.