۶ ولایتونو کې؛ پولیسو ۲۱ تنه د جنایي جرمونو په تړاو ونیول
امنیتي ځواکونو له تېرو ۲۴ ساعتونو راهیسې په کندز، هلمند، کندهار، سمنګان، بلخ او نورستان کې د غلاوو، قاچاق او ناقانونه وسلو ګرځولو په تړاو ۲۱ شکمن کسان نیولي چې عدلي او قضایي ارګانونو ته به وسپارل شي. له ډلې یې، شپږ حرفوي غله او یو تن له هېواد د اوسپنې د ناقانونه قاچاق په تړاو په هلمند، درې مسلکي غله په کندهار، درې تنه د ناقانونه وسلو ګرځولو په تړاو په سمنګان، دوه حرفوي غله په بلخ او یو تن د نورستان ولایت په مربوطاتو کې نیول شوی دی.